Кој може да биде корисник по Мерка 302

дома

ипард

мерка 302

потенцијален корисник

sitemap

Деловен план

Подготовка
за користење на Excel модел за пресметка на финансиска анализа...

Упатство
за изготвување деловен план

Упатство
за изготвување технички предлог

Барање
за издавање на документација од МЗШВ потребна за...

Корисни линкови
www.mzsv.gov.mk www.ipard.gov.mk www.ipardpa.gov.mk

3. Кој може да биде корисник по Мерка 302 - Потенцијален корисник

1) Општа дефиниција на корисник
Како корисници на средствата за инвестициони проекти по мерка 302 може да се јават:

1. Земјоделски стопанства чии носители се физички или правни лица, задруги или други правни лица кои се запишани во Единствениот регистар на земјоелски стопанства согласно Законот за земјоделство и рурален развој.
2. Занаетчии регистрирани согласно Законот за вршење на занаетчиска дејност и/или имаат намера да обавуваат занаетчиска дејност во рурални подрачја на економско одржлив начин.
3. Трговци поединци и микро-претпријатија согласно Законот за трговски друштва кои се регистрирани за обавување на преработка на земјоделски производи во согласност со Законот за безбедност на храна и на производите и материјалите што доагаат во контакт со храна и Законот за ветеринарно јавно здравство (освен за Инвестиции за воспоставување на работилници и традиционални занаетчиски активности и работилници за одржување на земјоделска механизација).
4. Трговци поединци и правни лица (микро претпријатија) кои се регистрирани во согласно со Законот за трговски друштва , а кои започнуваат со економска активност .

2) Опис на корисник по тип на инвестиција

За инвестиции 30211 Воспоставување на преработувачки капацитети на земјоделско стопанство и вон земјоделско стопанство корисници може да бидат:
- Индивидуален земјоделец впишан во Единствениот регистер на земјоделски стопанства во согласност со Законот за земјоделство и рурален развој , за дополнителна дејност;
- Трговец поединец, микро препријатие или занаетчија со производен капацитет за преработка на храна вон земјоделското стопанство.

Потенцијалниот корисник за овој тип на инвестиција треба да ги поседува следниве производни капацитети:

преработувачки капацитети	големина на капацитети
преработка на овошје и зеленчук	минимум 0,5 ха површина под овошје или зеленчук
преработка на млеко	минимум 10 молзни крави или 150 мозни овци или 50 молзни кози
производство и продажба на мед	минимум 30 пчелни семејства
преработка на лековити/етерични билки и зачини	минимум 0.75ха површини под лековите/ететрични билки и зачини , дефинирани во Прилог 5 на ова упатство
преработка и продажба на печурки	минимум 30 м2 за одгледување на печурки

Доколку барателот не поседува производен капацитет во согласност со табелата погоре ќе треба да обезбеди договори (најмалку годишни) со локални производители за откуп на суровина за планираната инвестиција

За инвестиции 30212 Воспоставување и модернизација на откупни центри за печурки и лековити/ароматични билки и зачини и капацитети за одгледување на печурки корисници може да бидат:

Во случај на инвестиции за воспоставување или модернизација на откупни центри за печурки и лековити ароматични билки и зачини корисници можат да бидат:
    -   Земјоделски задруги кои се основани согласно Законот за задруги и впишани во Единствениот регистер на земјоделски стопанства согласно Законот за земјоделство и рурален развој .

Во случај на инвестиции за воспоставување или модернизација на капацитети за одгледување на корисници можат да бидат:
    -   Индивидуален земјоделец впишан во Единствениот регистер на земјоделски стопанства во согласност со Законот за земјоделство и рурален развој
    -  Трговец поединиец или микро претпријатие регистрирани согласно Законот за трговските друштва

За инвестиции 30213 Воспоставување на работилници со традиционални знаетчиски активности и работилници за одржување на земјоделската механизација корисници може да бидат:

    -   Индивидуален земјоделец впишан во Единствениот регистер на земјоделски стопанства во согласност со Законот за земјоделство и рурален развој , за дополнителна дејност;
    -   Занаетчија регистриран во согласност за Закон за вршење на занаетчиска дејност
    -   Трговец поединец или микро препријатие регистрирани согласно Законот за трговските друштва , со приоритетна дејност занаетчиство.

За инвестиции 30221 Реконструкција на објекти на земјоделско стопанство со намена за рурален туризам надополнети со рекреативни капацитети корисници може да бидат:

    -   Индивидуален земјоделец впишан во Единствениот регистер на земјоделски стопанства во согласност со Законот за земјоделство и рурален развој, за дополнителна дејност;
    -   Физички лица регистрирани за давање на угостителски услуги и правни лица – (трговец поединец, микро претпријатие или занаетчија) кои се:
         а)   сопственици или поседуваат договор за закуп на стари куќи или
         б)   сопственици или баратели со право на користење на рибници или на води за спортски риболов, за подобро користење на економската вредност од природните ресурси со согласност за Законот за рибарство и аквакултура или
         в)   сопственици на шуми за подобро користење на економската вредност на природните ресурси во согласност со Законот за шуми .

Доколку проектот се однесува на реконструкција на објекти (стари куќи), потребно е истите да се наоѓаат во рурални средини .

Доколку проектот се однесува на реконструкција на објекти на винарски визби со годишен производен капацитет од минимум 20хл до максимум 400хл, или на објекти на производни капацитети за одгледување на винова лоза со цел развој на селски туризам инвестицијата мора да биде лоцирана во винските региони на оптините: Кавадарци, Неготино, Демир Капија и Росоман.

Сите проекти кои се однесуваат на реконструкција на стари објекти во рурални средини и инвестициите се насочени кон овозможување на туристички активности треба да ги достигнат следниве капацитети по завршување на инвестициските активности:
    -   најмногу 10 соби (20 кревети) за капацитети за сместување и максимален угостителски капацитет да се опслужат до 50 гости во согласност со Законот за угостителство ;
    -   максимален капацитет од 30 луѓе за простории за тестирање на виното.
Квалитетот на услугите по завршување на инвестицијата треба да се во согласност со минималните стандарди за квалитет (EUROGITES).

За инвестиции 30222 Инвестиции за градење на угостителски објекти, сместување на отворено (кампови) и капацитети за рекреација корисници може да бидат:

    -   Индивидуален земјоделец впишан во Единствениот регистер на земјоделски стопанства во согласност со Законот за земјоделство и рурален развој , за дополнителна дејност;
    -   Физички и правни лица – Трговец поединец, микро претпријатие или занаетчија, кои се:
         а)   сопственици или поседуваат договор за закуп на стари куќи или
         б)   сопственици или баратели со право на користење на рибници или на води за спортски риболов, за подобро користење на економската вредност од природните ресурси со согласност за Законот за рибарство и аквакултура или
         в)   сопственици на шуми за подобро користење на економската вредност на природните ресурси во согласност со Законот за шуми .

НАПОМЕНА:
Правните лица кои ќе поднесат барање за користење на средствата од ИПАРД Програмата 2007-2013 година за Мерката 302 мора да бидат во рангот на микро претпријатие согласно Законот за трговски друштва .

Микро претпријатие согласно член 470 став 4 од Законот за трговски друштва (“Службен весник на Република Македонија бр.28/04, 84/05, 25/07, 87/08, 42/10 и 48/10”) се смета трговец кој во секоја од последните две пресметковни години, односно во првата година од работењето ги задоволил следниве два критериуми:
    -   просечниот број на вработените, врз основа на часови на работа да е до 10 работници, и
    -   бруто приход остварен од трговецот од кој било извор да не надминува 50.000 евра во денарска противвредност.

3) Општи услови за корисници

Управителот на правното лице, кој го застапува правното лице во постапката пред Агенцијата, е во редовен работен однос во правното лице кое се јавува како барател на финансиската поддршка.
Управителот на претпријатието или задругата треба да достави доказ за професионалното образование стекнато:
- во согласност со Правилникот за начинот за проверка на знаењето и издавање потврда за стекнати основни знаења за хигиена на храната и заштита на животната средина во согласност со Законот за безбедност на храната. или
- во согласност со Закон за стручно образование и обука, уверениоето моќе да се добие во институциите за стручно образование и подготовка(училиште за стручно образование и центри за стручна подготовка), или
- во согласност со Законот за вршење на занаетчика дејност, занаетчиите може да вршат занаетчиски дејности ако тој/таа има соодветно образовани или соодветни вештини за изведување на определна занаетчиска активност или вработува лице со такво образование/вештина.
Носителот на земјоделското сотпанство или одговорното лице на правнотот лице да не е постаро од 59 години старост (за маќи) или 57 години старост (за жени), на денот на отпочнување на реализација на инвестицијата;
Да достави три споредливи понуди со техничка спецификација од различни независни добавувачи за секоја поединечна набавка на стоки и услуги доколку вредноста на поединечната ставка изнесува повеќе од 10.000 Евра во денарска противвредност, односно една понуда од независен понудувач со техничка спецификација за секоја поединечна набавка на стоки и услуги, доколку вредноста е под 10.000 Евра во денарска противвредност, или
За инвестиции кои вклучуваат градба барателот треба да обезбеди три споредливи понуди со техничка спецификација која одговара на предмер пресметка во проектната документација прибавени од независни понудувачи кои имаат овластувања согласно закон за изведување на градежни работи кои изнесуваат повеќе од 10.000 евра во денарска противвредност, или една понуда со техничка спецификација која одговара на предмер пресметка во проектната документација прибавена од понудувач кој има овластување за изведување на градежни работи , доколку градежните работи изнесуваат помалку од 10.000 еврa во денарска противвредност;
Да достави изјава за потекло на стоките, услугите и материјалите содржани во понудите прибавени од производителот или добавувачот;
Да достави доказ дека е сопственик на земјата или има договор за закуп на земјата/градбата за минимум од 5 години во случај на инвестиции во кои не се вклучени работи од градежништвото. Во случај кога барателот ја изнајмува градбата која е предмет на инвестиција за изградба, треба да докаже дека има право да ја користи најмалку 10 години. Доколку се работи за инвестиции во нова градба барателот треба да докаже право на сопственост или право на користење на земјата на која ќе се гради за најмалку 10 години;
Доказ за обезбедени парични средства за реализација на инвестицијата;
Во случај кога банката има востановено залог на недвижен имот кој е предмет на инвестиција барателот треба да обезбеди Доказ за редовно измирени обврски кон соодветната банка по основ на договор за кредит;
Во случај кога банката има востановено залог на недвижен имот кој е предмет на инвестиција барателот треба да обезбеди Доказ за редовно измирени обврски кон соодветната банка по основ на договор за кредит;
Барателот треба да ги има подмирено сите доспеани обврски во однос на даноци и придонеси за здравствено, пензиско и социјално осигурување;
Барателот треба да ги има подмирено сите обврски кон Министерство за земјоделство, шумарство и водостопанство по основ на склучен договор.;
Барателот кој поднесува барање за некоја од инвестициите во мерка 302 е должен да обезбеди записник од Државен инспекторат за труд за исполнување на обврските од областа на безбедност и здравје при работа;
Барателот е должен да обезбеди доказ, доколку поднесува барање за инвестициите подброј 10111 и 10121, и доколку набавува садници дека истите се набавени од регистриранпроизводител или увозник, согласно евиденцијата на МЗШВ, Управа за семе и саденматеријал;
Барателот е должен да достави согласност/решение за одобрен елаборат за оценка на влијанието врз животната средина/ИСКЗ дозвола (доказ дека поднел барање за издавање на ИСКЗ дозвола) прибавено од Министерството за животна средина и просторно планирање, Управата за животна средина или Единицата на локалната самоуправа на чија територија се наоѓа инвестицијата;
За документите кои потврдуваат исполнување на стандардите од областа безбедност на храна, ветеринарно јавно здравство и благосостојба на животните, а се однесуваат на инвестициите под број: 30211, 30212, 30221 и 30222 АФПЗРР ги прибавува по службена должност од Агенцијата за храна и ветерина.

Напомена: АФПЗРР врши дополнителна проверка, дали барaтелите се должници по некој основ кон АФПЗРР.

Напомена:
При прибавување на понудите барателот посебно да обрне внимание истите да бидат обезбедени од „Независни понудувачи“кои меѓусебно и/или со барателот не се поврзани со капитални, семејни и врски на вработување односно управување на правните лица.

Под “Капитална поврзаност” се подразбира директно или индиректно поседување, контролирање или држење на 5% или повеќе акции или емитувани удели со право на глас, од страна на еден субјект во друг.

Под „Семејна поврзаност“се подразбира поврзаност преку лица кои се сметаат за членови на исто семејство и се во следново сродство: маж и жена; родител и дете; брат и сестра (било целосно или полукрвно сродство); баба или дедо и внуци; чичко, вујко, тетин, стрина, вујна или тетка и внук или внука; родители на сопружниците и зет или снаа; девер, шура или баџанак и јатрва, снаа, золва или шура.

Под „Врски на вработување, односно управување на правните лица“ се подразбира исти лица кои се јавуваат како одговорни лица или вработени лица во два субјекти, или еден од нив директно го контролира другиот, двајцата се директно или индиректно контролирани од страна на трето лице, тие заедно директно или индиректно го контролираат трето лице.

Склучен/и договор/и со изведувачи на градежни работи како активности поврзани со уривање, земјани работи, бетонирачки активности, ѕидарски активности, дрвенарија, фасадерски активности, активности за кровни конструкции, лимарски активности, активности за поставување на керамички елементи, столарија, молерски активности, браварија, активности што вклучуваат камен, инсталатерски активности (и други активности согласно Прилог 10 од ова Упатство) значат започнување на инвестицијата и истата не е прифатлива за ко-финансирање согласно член 44, став 2 од Спогодбата помеѓу Владата на Република Македонија и Комисијата на Европските Заедници за правилата за соработка во однос на финансиската помош од ЕК на Р. Македонија и спроведување на помошта според компонента V (ИПАРД) од инструментот за претпристапна помош (ИПА) (во понатамошниот текст: Секторска спогодба).

Склучен/и договор/и со добавувачи за набавка на добра и услуги поврзани со набавка на материјали, опрема и сите други планирани инвестициски активности дефинирани како прифатливи специфични трошоци по различни типови на инвестиции од ова Упатство значат започнување на инвестицијата и истата не е прифатлива за ко-финансирање согласно член 44, став 2 од Секторската спогодбата.

Склучување на договори за општи трошоци, како што се изработката на деловен план, изработка на проектна и друга техничка документација, надомест за консултантски услуги, изработка на физибилити и слични студии, купување на патентни права и лиценци не се смета за започната инвестиција и истите се прифатливи.

„Општи трошоци“ ги подразбираат трошоците за изработка на деловен план изработка на проектна и друга техничка докуменатција, надомест за консултантски услуги, изработка на физибилити и слични студии, техничко-технолошки елаборати, елаборати за животна средина, купување на патентни права и лиценци, направени по 01.01.2007 година.

Доколку за општите трошоци се бара финансиска поддршка од АФПЗРР потребно е истите да бидат детално разложени на експерти, извршени активности по експерт, потребни работни часови или денови по активност/експерт, цена на чинење на час или ден по активност/експерт, патни трошоци (доколку ги има).

Понуди за општи трошоци се доставуваат доколку општите трошоци не се исплатени и понудите за консултантски услуги и изработка на Деловен план треба да се прибавени од лица кои не се јавуваат како понудувачи на предметот на инвестицијата.

Фактури за општи трошоци се доставуваат доколку општите трошоци се исплатени, меѓутоа истите за да бидат прифатливи треба да се настанати по 1 јануари 2007, и да се изготвени/обезбедени од лица кои не се јавуваат како понудувачи на предметот на инвестицијата.

Понудите што вклучуваат обврски за изведување на градежни и градежно – занаетчиски работи треба да бидат издадени од правно лице кое поседува лиценца за изведувач согласно Член 25 став 2 од Законот за градење.

Во случај ако во барањето се поднесуваат понуди од странски добавувачи Барателот е должен да обезбеди документ со кој ќе се потврди сопственичката и управувачката структура, како и дејноста на добавувачите.

Прифатливи проекти кои се финансираат во мерка 302 треба да се лоцирани во рурални средини во согласност со одлуката на Владата на Република Македонија за критериумите за утрвдувањетот на рурални средини (“Службен весник на РМ” бр.137/08) и Списокот на рурални подрачја(“Службен весник на РМ” бр.154/08) дефинирани во Прилог 11.

*Содржаните податоци имаат информативен карактер и ЦеПроСАРД не превзема никаква одговорност за евентуалните отстапки од информациите содржани во официјалните документи

АКТУЕЛНО

1. ЈАВЕН ПОВИК бр.01/2013 за доставување на барање за користење... повеќе

2. РАСПОРЕД НА ИПАРД ИНФО ДЕНОВИ ЗА ЈАВЕН ПОВИК 01/2013 повеќе

изработено од Кипс ком

ЦеПроСАРД @ 2008 - 2011

facebook linkedin email sitemap