Кој може да биде корисник по Мерка 103

дома

ипард

мерка 103

потенцијален корисник

sitemap

Деловен план

Подготовка
за користење на Excel модел за пресметка на финансиска анализа...

Упатство
за изготвување деловен план

Упатство
за изготвување технички предлог

Барање
за издавање на документација од МЗШВ потребна за...

Корисни линкови
www.mzsv.gov.mk www.ipard.gov.mk www.ipardpa.gov.mk

3. Кој може да биде корисник по Мерка 103 - Потенцијален корисник

1) Општа дефиниција на корисник
За инвестициони проекти по мерка 103 како потенцијални корисници може да се јават:

• Правни лица основани согласно Законот за трговски друштва , кои влегуваат во рамките на мало и средно претпријатие, се обврзници за данок на додадена вредност, без државен капитал во оснивачки влог, регистрирани за обавување на релевантната дејност согласно Законот за безбедност на храна, производи и материјали во контакт со храната и Законот за ветеринарно јавно здравство .
• Земјоделски задруги основани согласно Законот за задругите со основна дејност земјоделство само за подмерките 10321 Инвестиции за изградба и обновување на објекти за воспоставување и модернизација на откупни центри за овошје и зеленчук и 10331 Инвестиции за воспоставување и модернизација на собирни центри за млеко.

Што е мало и средно претпријатие?

Мало претпријатие е претпријатие кое во секоја од последните две пресметковни години или во првата година од работењето, има исполнето најмалку два од следниве три критериуми:
1. Посечниот број на вработени врз основа на часови на работа да е до 50 работници;
2. Годишниот приход да е помал од 2.000.000 евра во денарска противвредност, вкупниот обрт да е помал од 2.000.000 евра во денарска противвредност; и
3. Просечната вредност (на почетокот и на крај од пресметковната година) на вкупните средства (во актива) да е помала од 2.000.000 евра во денарска пртиввредност.

Средно претпријатие е претпријатие кое во секоја од последните две пресметковни години или во првата година од работењето, има исполнето најмалку два од следниве три критериуми:
1. Посечниот број на вработени врз основа на часови на работа да е до 250 работници;
2. Годишниот приход да е до 10.000.000 евра во денарска противвредност; и
3. Просечната вредност (на почетокот и на крај од пресметковната година) на вкупните средства (во актива) да е помала од 11.000.000 евра во денарска пртиввредност.

Напомена: Микро претпријатија не влегуваат во групата на потенцијални корисници за оваа мерка.

Микро претпријатие согласно член 470 став 4 од Законот за трговски друштва(“Службен весник на Република Македонија бр.28/04, 84/05, 25/07, 87/08, 42/10 и 48/10”) се смета трговец кој во секоја од последните две пресметковни години, односно во првата година од работењето ги задоволил следниве два критериуми:
• просечниот број на вработените, врз основа на часови на работа да е до 10 работници, и
• бруто приход остварен од трговецот од кој било извор да не надминува 50.000 евра во денарска противвредност.

Напомена: По исклучок како корисници може да се јават и правни лица во рангот на големи претпријатија за дел од претпријатието односно за производен капацитет кој се наоѓа на една локација и во кој се обавува една производна дејност поврзана со преработка на земјоделски производи согласно Законот за безбедност на храна и на производите и материјалите што доагаат во контакт со храна и Законот за ветеринарно јавно здравство.

Што е задруга?

Задруга е здружување на физички или правни лица заради унапредување или заштита на определен број точно дефинирани економски интереси, во сите дејности освен за дејностите во банкарството и осигурувањето и дејностите за кои со закон е забрането основање на задруга (Сл.весник 54/02), 84/05) .

2) Корисник согласно големина на производниот капацитет
Големината на производниот капацитет на потенцијалниот корисник треба да е во рамките на следниве минимални и максимални производни капацитети:

Сектор	Корисници	Група на инвестиции	Мерна единица	Капацитет на корисникот
Сектор	Корисници	Група на инвестиции	Мерна единица	Мин.	Макс.
1031 Производство на вино
		10311	хл.	1.500	55.000
1032 Преработка на овошје и зеленчук:
	собирен центар/капацитет за ладење и складирање	10321	тон	500	3.000
	сушење	10322	тон	40	500
	замрзнување	10322	тон	500	5.000
	конзервирање/пастеризација	10322	тон	500	5.000
1033 Преработка на млеко и млечни производи:
	собирен центар /капацитет за ладење и складирање	10331	литри на ден	1.500	30.000
	преработувачки капацитети	10332	литри на ден	5.000	100.000
1034 Производи од месо
Кланични капацитети	живина живина	10341; 10342;10343	грла на ден	10.000 5.500	30.000 30.000
	говеда	10342;10343	грла на ден	15	150
	свињи	10342;10343	грла на ден	20	300
	овци	10343	грла на ден	50	4.000
Преработка на месо	преработувачки капацитети	10343	тон	2.000	25.000

3) Општи услови за корисници

управителот на правното лице, кој го застапува правното лице во постапката пред Агенцијата, е во редовен работен однос во правното лице кое се јавува како барател на финансиската поддршка. Воедно (одговорното лице/управителот на претпријатието или задругата) треба да достави доказ за професионалното образование стекнато во согласност со Правилникот за начинот за проверка на знаењето и издавање потврда за стекнати основни знаења за хигиена на храната и заштита на животната средина во согласност со Законот за безбедност на храната;
одговорното лице во правниот субјект (барател на средства за кофинансирање), на почетокот на инвестицијата не смее да биде постаро од 59 години за мажи и 57 за жени;
да достави три споредливи понуди со техничка спецификација од различни независни добавувачи за секоја поединечна набавка на стоки и услуги доколку вредноста на поединечната ставка изнесува повеќе од 10.000 Евра во денарска противвредност, односно една понуда од независен понудувач со техничка спецификација за секоја поединечна набавка на стоки и услуги, доколку вредноста е под 10.000 Евра во денарска противвредност;
за инвестиции кои вклучуваат градба барателот треба да обезбеди три споредливи понуди со техничка спецификација која одговара на предмер пресметка во проектната документација прибавени од независни понудувачи кои имаат овластувања согласно закон за изведување на градежни работи кои изнесуваат повеќе од 10.000 евра во денарска противвредност, или една понуда со техничка спецификација која одговара на предмер пресметка во проектната документација прибавена од понудувач кој има овластување за изведување на градежни работи , доколку градежните работи изнесуваат помалку од 10.000 еврa во денарска противвредност;
да достави изјава за потекло на стоките, услугите и материјалите содржани во понудите прибавени од производителот или добавувачот.

Напомена:
Склучен/и договор/и со изведувачи на градежни работи како активности поврзани со уривање, земјани работи, бетонирачки активности, ѕидарски активности, дрвенарија, фасадерски активности, активности за кровни конструкции, лимарски активности, активности за поставување на керамички елементи, столарија, молерски активности, браварија, активности што вклушуваат камен, инсталатерски активности(но и други активности наведени во Дефиниција на градежни работи извршени од страна на трети лица , значат започнување на инвестицијата и истата не е прифатлива за кофинансирање согласно член 44, став 2 од Спогодбата за помеѓу Владата на Република Македонија и Комисијата на Европски Зедници за правилата за соработка во однос на финансиската помош од ЕК на Р.Македонија и спроведување на помошта според компонента V (ИПАРД) од инструментот за претпристапна помош (ИПА)(во понатамошниот текст:Секторска спогодба).

Склучен/и договор/и со добавувачи за набавка на добра и услуги поврзани со набавка на материјали, опрема и сите други планирани инвестициски активности дефинирани како прифатливи специфични трошоци по различни типови на инвестициии од ова Упатство значат започнување на инвестицијата и истата не е прифатлива за кофинансирање согласно член 44, став 2 од Секторската спогодба.

Договори за општи трошоци, како што се изработка на деловен план, изработка на проектна и друга техничка документација, надомест на консултантски услуги, изработка на физибилити и слични студии, купување на патентни права и лиценци не се смета за започната инвестиција и истите се прифатливи.

Напомена: АФПЗРР врши дополнителна проверка, дали барaтелите се должници по некој основ кон АФПЗРР.

Напомена:
При прибавување на понудите барателот посебно да обрне внимание истите да бидат обезбедени од „Независни понудувачи“кои меѓусебно и/или со барателот не се поврзани со капитални, семејни и врски на вработување односно управување на правните лица.

Под “Капитална поврзаност” се подразбира директно или индиректно поседување, контролирање или држење на 5% или повеќе акции или емитувани удели со право на глас, од страна на еден субјект во друг.

Под „Семејна поврзаност“се подразбира поврзаност преку лица кои се сметаат за членови на исто семејство и се во следново сродство: маж и жена; родител и дете; брат и сестра (било целосно или полукрвно сродство); баба или дедо и внуци; чичко, вујко, тетин, стрина, вујна или тетка и внук или внука; родители на сопружниците и зет или снаа; девер, шура или баџанак и јатрва, снаа, золва или шура.

Под „Врски на вработување, односно управување на правните лица“ се подразбира исти лица кои се јавуваат како одговорни лица или вработени лица во два субјекти, или еден од нив директно го контролира другиот, двајцата се директно или индиректно контролирани од страна на трето лице, тие заедно директно или индиректно го контролираат трето лице.

Склучен/и договор/и со изведувачи на градежни работи како активности поврзани со уривање, земјани работи, бетонирачки активности, ѕидарски активности, дрвенарија, фасадерски активности, активности за кровни конструкции, лимарски активности, активности за поставување на керамички елементи, столарија, молерски активности, браварија, активности што вклучуваат камен, инсталатерски активности (и други активности согласно Прилог 10 од ова Упатство) значат започнување на инвестицијата и истата не е прифатлива за ко-финансирање согласно член 44, став 2 од Спогодбата помеѓу Владата на Република Македонија и Комисијата на Европските Заедници за правилата за соработка во однос на финансиската помош од ЕК на Р. Македонија и спроведување на помошта според компонента V (ИПАРД) од инструментот за претпристапна помош (ИПА) (во понатамошниот текст: Секторска спогодба).

Склучен/и договор/и со добавувачи за набавка на добра и услуги поврзани со набавка на материјали, опрема и сите други планирани инвестициски активности дефинирани како прифатливи специфични трошоци по различни типови на инвестиции од ова Упатство значат започнување на инвестицијата и истата не е прифатлива за ко-финансирање согласно член 44, став 2 од Секторската спогодбата.

Склучување на договори за општи трошоци, како што се изработката на деловен план, изработка на проектна и друга техничка документација, надомест за консултантски услуги, изработка на физибилити и слични студии, купување на патентни права и лиценци не се смета за започната инвестиција и истите се прифатливи.

„Општи трошоци“ ги подразбираат трошоците за изработка на деловен план изработка на проектна и друга техничка докуменатција, надомест за консултантски услуги, изработка на физибилити и слични студии, техничко-технолошки елаборати, елаборати за животна средина, купување на патентни права и лиценци, направени по 01.01.2007 година.

Доколку за општите трошоци се бара финансиска поддршка од АФПЗРР потребно е истите да бидат детално разложени на експерти, извршени активности по експерт, потребни работни часови или денови по активност/експерт, цена на чинење на час или ден по активност/експерт, патни трошоци (доколку ги има).

Понуди за општи трошоци се доставуваат доколку општите трошоци не се исплатени и понудите за консултантски услуги и изработка на Деловен план треба да се прибавени од лица кои не се јавуваат како понудувачи на предметот на инвестицијата. Фактури за општи трошоци се доставуваат доколку општите трошоци се исплатени, меѓутоа истите за да бидат прифатливи треба да се настанати по 1 јануари 2007, и да се изготвени/обезбедени од лица кои не се јавуваат како понудувачи на предметот на инвестицијата.

Понудите што вклучуваат обврски за изведување на градежни и градежно – занаетчиски работи треба да бидат издадени од правно лице кое поседува лиценца за изведувач согласно Член 25 став 2 од Законот за градење.

Во случај ако во барањето се поднесуваат понуди од странски добавувачи Барателот е должен да обезбеди документ со кој ќе се потврди сопственичката и управувачката структура, како и дејноста на добавувачите.

*Содржаните податоци имаат информативен карактер и ЦеПроСАРД не превзема никаква одговорност за евентуалните отстапки од информациите содржани во официјалните документи

АКТУЕЛНО

1. ЈАВЕН ПОВИК бр.01/2013 за доставување на барање за користење... повеќе

2. РАСПОРЕД НА ИПАРД ИНФО ДЕНОВИ ЗА ЈАВЕН ПОВИК 01/2013 повеќе

изработено од Кипс ком

ЦеПроСАРД @ 2008 - 2011

facebook linkedin email sitemap