Кој може да биде корисник по Мерка 101

дома

ипард

мерка 101

потенцијален корисник

sitemap

Деловен план

Подготовка
за користење на Excel модел за пресметка на финансиска анализа...

Упатство
за изготвување деловен план

Упатство
за изготвување технички предлог

Барање
за издавање на документација од МЗШВ потребна за...

Корисни линкови
www.mzsv.gov.mk www.ipard.gov.mk www.ipardpa.gov.mk

3. Кој може да биде корисник по Мерка 101 - Потенцијален корисник

1) Општа дефиниција на корисник
За проектите од мерката 101 потенцијален корисник е земјоделско стопанство впишано во Единствениот регистар на земјоделски стопанства во Министерството за земјоделство, шумарство и водостопанство, согласно со Законот за земјоделство и рурален развојs , по следниве основи:

1. Физички лица:
• Индивидуален земјоделец – носител на земјоделско стопанство вршител на земјоделска дејност согласно Законот за вршење на земјоделска дејност;
• Индивидуален земјоделец – носител на семејно земјоделско стопанство кој се стекнал со статус на осигуреник согласно Закон за пензиско и инвалидско осигурување:
• Индивидуален земјоделец носител на земјоделско стопанство кој се занимава со земјоделството како дополнителна дејност;
• Трговец поединец – регистриран согласно Закон за трговски друштва;

2. Правни лица:
• Трговски друштва регистрирани согласно Законот за трговски друштва;
• Земјоделски задруги регистрирани согласно Законот за задруги

Напомена: Правни лица кои во својот вкупен капитал имаат удел оа државата во висина не повеќе од 25% за целото времетраење на проектот и во период од најмалку 5 години од завршување на инвестиционата активност финансирана од оваа програма.

2) Корисник согласно големината на производен капацитет
Големината на производниот капацитет на потенцијалниот корисник треба да е во рамките на следниве минимални и максимални производни капацитети:

Инвестиции	Физички лица	Правни лица
10111 Обновување на постоечки лозови насади	минимум 0,5 ха до максимум 20 ха површини под лозов насад	минимум 0,5 ха до максимум 50 ха површини под лозов насад
10121 Обновување на постоечки овошни насади	минимум 0,5 ха до максимум 15 ха површини под овошен насад	минимум 0,5 ха до максимум 30 ха површини под овошен насад
10131 Изградба и обновување на пластеници	минимум 0,3 ха до максимум 3 ха површини под пластеници	минимум 1 ха до максимум 8 ха површини под пластеници
10132 Изградба и обновување на постоечки стакленици	минимум 0,1 ха до максимум 2,5 ха површини под стакленици	минимум 1,5 ха до максимум 6 ха површини под стакленици
10133 Изградба и обновување на објектите за постбербени активности на постоечки пластеници и стакленици, со исклучок на тунелски фолии	минимум 0,3 ха до максимум 3 ха површини под пластеници	минимум 1 ха до максимум 8 ха површини под пластеници
	минимум 0,1 ха до максимум 2,5 ха површини под пластеници	минимум 1,5 ха до максимум 6 ха површини под пластеници
10134 Модернизација на производството на зеленчук на отворено	минимум 0,5 ха до максимум 15 ха површини под зеленчук на отворено	минимум 0,5 ха до максимум 30 ха површини под зеленчук на отворено
10141 Изградба/обновување на објектите за одгледување на молзни крави, овци и кози 10142 Набавка на наменска опрема за молзење, ладење и скалдирање на млекото	минимум 10 до максимум 100 молзни крави	минимум 15 до максимум 150 молзни крави
	минимум 50 до максимум 500 грла молзни кози	минимум 80 до максимум 800 грла молзни кози
	минимум 300 до максимум 3000 грла молзни овци	минимум 500 до максимум 8000 грла молзни овци
10151 Изградба/обновување на објектите за одгледување на маторици и свињи	минимум 2000 свински гоеници(свињи во тов) до максимум 8000 свински гоеници (свињи во тов) годишно или минимум 40 до максимум 100 маторици	минимум 2000 свински гоеници(свињи во тов) до максимум 30000 свински гоеници (свињи во тов) годишно или минимум 40 до максимум 400 маторици
10152 Воспоставување на нови живинарски капацитети на земјоделски стопанства за одгледување на бројлери и модернизација на постоечките	минимум 5000 бројлери до максимум 30000 бројлери годишно	минимум 5000 бројлери до максимум 60000 бројлери годишно

3) Општи услови за корисници

Управителот на правното лице, кој го застапува правното лице во постапката пред Агенцијата, е во редовен работен однос во правното лице кое се јавува како барател на финансиската поддршка;
Потенцијалниот корисник треба да има завршено најмалку средно образование или да поседува доказ за стручна соспособеност од областа поврзана со инвестицијата согласно Закон за стручно образование и обука (“Службен весник на Република македонија”бр.71/06), или доколку потенцијалниот корисник не поседува доказ за исполнување на еден од двата горенаведени услови,со барањето за користење на средствата од ИПАРД да достави изјава дека се согласува да учествува на професионална обука која ќе биде организирана во рамките на Програмата за финансиска поддршка на руралниот развој пред исплата.
Носителот на земјоделското стопанство или одговорното лице на правното лице да не е постар од 59 години старост (за мажи) или 57 години старост (за жени) на денот на објавувањето на јавниот повик.
Да достави три споредливи понуди со техничка спецификација од различни независни добавувачи за секоја поединечна набавка на стоки и услуги доколку вредноста на поединечната ставка изнесува повеќе од 10.000 Евра во денарска противвредност, односно една понуда од независен понудувач со техничка спецификација за секоја поединечна набавка на стоки и услуги, доколку вредноста е под 10.000 Евра во денарска противвредност.
За инвестиции кои вклучуваат градба барателот треба да обезбеди три споредливи понуди со техничка спецификација која одговара на предмер пресметка во проектната документација прибавени од независни понудувачи кои имаат овластувања согласно закон за изведување на градежни работи кои изнесуваат повеќе од 10.000 евра во денарска противвредност, или една понуда со техничка спецификација која одговара на предмер пресметка во проектната документација прибавена од понудувач кој има овластување за изведување на градежни работи , доколку градежните работи изнесуваат помалку од 10.000 еврa во денарска противвредност;
Да достави изјава за потекло на стоките, услугите и материјалите содржани во понудите прибавени од производителот или добавувачот;
Да достави доказ дека е сопственик на земјата или има договор за закуп на земјата/градбата за минимум од 5 години во случај на инвестиции во кои не се вклучени работи од градежништвото. Во случај кога барателот ја изнајмува градбата која е предмет на инвестиција за изградба, треба да докаже дека има право да ја користи најмалку 10 години. Доколку се работи за инвестиции во нова градба барателот треба да докаже право на сопственост или право на користење на земјата на која ќе се гради за најмалку 10 години;
Во случај кога банката има востановено залог на недвижен имот кој е предмет на инвестиција барателот треба да обезбеди Доказ за редовно измирени обврски кон соодветната банка по основ на договор за кредит;
Барателот треба да ги има подмирено сите доспеани обврски во однос на даноци и придонеси за здравствено, пензиско и социјално осигурување;
Барателот треба да ги има подмирено сите обврски кон Министерство за земјоделство, шумарство и водостопанство по основ на склучен договор;
Барателот е должен да обезбеди записник од Државен инспекторат за труд заисполнување на обврските од областа на безбедност и здравје при работа, доколкуподнесува барање за некоја од инвестиции под број: 10141, 10142, 10151, и 10152;
Барателот е должен да обезбеди доказ, доколку поднесува барање за инвестициите подброј 10111 и 10121, и доколку набавува садници дека истите се набавени од регистриранпроизводител или увозник, согласно евиденцијата на МЗШВ, Управа за семе и саденматеријал;
Барателот е должен да достави согласност/решение за одобрен елаборат за оценка на влијанието врз животната средина прибавено од Министерството за животна средина и просторно планирање, Управата за животна средина или Единицата на локалната самоуправа на чија територија се наоѓа инвестицијата, доколку се поднесува барање за некоја од инвестициите под број: 10131 и 10132 (доколку има реконструкција), 10133, 10141, 10142, 10151 и 10152;
За документите кои потврдуваат исполнување на стандардите од областа на ветеринарно јавно здравство и благосостојба на животните, а се однесуваат на инвестициите под број: 10141, 10142, 10151 и 10152 АФПЗРР ги прибавува по службена должност од Агенцијата за храна и ветерина.

Напомена: АФПЗРР врши дополнителна проверка, дали барaтелите се должници по некој основ кон АФПЗРР.

Напомена:
При прибавување на понудите барателот посебно да обрне внимание истите да бидат обезбедени од „Независни понудувачи“кои меѓусебно и/или со барателот не се поврзани со капитални, семејни и врски на вработување односно управување на правните лица.

Под “Капитална поврзаност” се подразбира директно или индиректно поседување, контролирање или држење на 5% или повеќе акции или емитувани удели со право на глас, од страна на еден субјект во друг.

Под „Семејна поврзаност“се подразбира поврзаност преку лица кои се сметаат за членови на исто семејство и се во следново сродство: маж и жена; родител и дете; брат и сестра (било целосно или полукрвно сродство); баба или дедо и внуци; чичко, вујко, тетин, стрина, вујна или тетка и внук или внука; родители на сопружниците и зет или снаа; девер, шура или баџанак и јатрва, снаа, золва или шура.

Под „Врски на вработување, односно управување на правните лица“ се подразбира исти лица кои се јавуваат како одговорни лица или вработени лица во два субјекти, или еден од нив директно го контролира другиот, двајцата се директно или индиректно контролирани од страна на трето лице, тие заедно директно или индиректно го контролираат трето лице.

Склучен/и договор/и со изведувачи на градежни работи како активности поврзани со уривање, земјани работи, бетонирачки активности, ѕидарски активности, дрвенарија, фасадерски активности, активности за кровни конструкции, лимарски активности, активности за поставување на керамички елементи, столарија, молерски активности, браварија, активности што вклучуваат камен, инсталатерски активности (и други активности согласно Прилог 10 од ова Упатство) значат започнување на инвестицијата и истата не е прифатлива за ко-финансирање согласно член 44, став 2 од Спогодбата помеѓу Владата на Република Македонија и Комисијата на Европските Заедници за правилата за соработка во однос на финансиската помош од ЕК на Р. Македонија и спроведување на помошта според компонента V (ИПАРД) од инструментот за претпристапна помош (ИПА) (во понатамошниот текст: Секторска спогодба).

Склучен/и договор/и со добавувачи за набавка на добра и услуги поврзани со набавка на материјали, опрема и сите други планирани инвестициски активности дефинирани како прифатливи специфични трошоци по различни типови на инвестиции од ова Упатство значат започнување на инвестицијата и истата не е прифатлива за ко-финансирање согласно член 44, став 2 од Секторската спогодбата. Склучување на договори за општи трошоци, како што се изработката на деловен план, изработка на проектна и друга техничка документација, надомест за консултантски услуги, изработка на физибилити и слични студии, купување на патентни права и лиценци не се смета за започната инвестиција и истите се прифатливи.

„Општи трошоци“ ги подразбираат трошоците за изработка на деловен план изработка на проектна и друга техничка докуменатција, надомест за консултантски услуги, изработка на физибилити и слични студии, техничко-технолошки елаборати, елаборати за животна средина, купување на патентни права и лиценци, направени по 01.01.2007 година.

Доколку за општите трошоци се бара финансиска поддршка од АФПЗРР потребно е истите да бидат детално разложени на експерти, извршени активности по експерт, потребни работни часови или денови по активност/експерт, цена на чинење на час или ден по активност/експерт, патни трошоци (доколку ги има).

Понуди за општи трошоци се доставуваат доколку општите трошоци не се исплатени и понудите за консултантски услуги и изработка на Деловен план треба да се прибавени од лица кои не се јавуваат како понудувачи на предметот на инвестицијата. Фактури за општи трошоци се доставуваат доколку општите трошоци се исплатени, меѓутоа истите за да бидат прифатливи треба да се настанати по 1 јануари 2007, и да се изготвени/обезбедени од лица кои не се јавуваат како понудувачи на предметот на инвестицијата.

Понудите што вклучуваат обврски за изведување на градежни и градежно – занаетчиски работи треба да бидат издадени од правно лице кое поседува лиценца за изведувач согласно Член 25 став 2 од Законот за градење.

Во случај ако во барањето се поднесуваат понуди од странски добавувачи Барателот е должен да обезбеди документ со кој ќе се потврди сопственичката и управувачката структура, како и дејноста на добавувачите.

*Содржаните податоци имаат информативен карактер и ЦеПроСАРД не превзема никаква одговорност за евентуалните отстапки од информациите содржани во официјалните документи

АКТУЕЛНО

1. ЈАВЕН ПОВИК бр.01/2013 за доставување на барање за користење... повеќе

2. РАСПОРЕД НА ИПАРД ИНФО ДЕНОВИ ЗА ЈАВЕН ПОВИК 01/2013 повеќе

изработено од Кипс ком

ЦеПроСАРД @ 2008 - 2011

facebook linkedin email sitemap